مطعم عبدو فرج للمأكولات البحرية

الأسعار مبالغ فيها وهناك عدم نزاعه في التعامل عند اختيار الأسماك لا توجد لوحه معلقه توضح أسعار التسويه بشكل واضح وعند الجلوس علي الترابيزه تجد أسعار السلطه والمشروبات واضحه صريحه لكن عند الطلب الحساب تفاجأ بأسعار مبالغ فيها بطريقه شبه ابتزاز ستدفع مهما كان طلبت نصف كيلو جمبري وسمكه قاروص ٢٥٠جرام سبيط وكانت الفاتوره ١٨٧١.٠٣ وهو مبلغ مبالغ فيه جدا لذلك لا أوصي بهذا المطعم

فعلاً اخصائي المأكولات البحريه الاكل كان لذيذ جداً
والشباب ماقصرو كانو بالخدمة وطيبين جداً ولنا عودة ان شاء الله للمطعم ومقابلة الشباب

اجمد مطعم مأكولات بحرية في اسكندرية .. سعره غالي شوية بس مقابل الجودة يستاهل
بداية من الاستقبال اللطيف والستاف المحترم .. لو محدش عارف نظام عبده فرج فانت بتختار طلبك بنفسك الاول ويتوزن قدامك وبعدين يبدأ يجهزهولك.

سرعة التحضير مش منطقية فوق ال 3 كيلو سمك و كيلو جمبري خلصو في اقل من تلت ساعة بلا مبالغة والمكان فوق كان مشغول .. يمكن تربيزة واحدة اللي فاضية وكان في جروب اجانب عددهم فوق ال 10 افراد كمان
—————————

ملاحظات للادارة بهدف التطوير لو حد منهم هيشوف الريفيو …
اول نقطة .. الاضاءة داخل المطعم بالليل مش افضل حاجة .. اضاءة دافية . حاولو تضيفو اضاءة بيضا علشان توازن
تاني نقطة .. الحمامات محتاجة تطوير .. هيا كانت نضيفة .. بس محتاجة تطوير من حيث الشكل وكدا
تالت نقطة ..قدام المكان برضو محتاج تنضيف .. انا عارف انه مش غلطكم بس برضو ولو .. مطعم كبير وتاريخه طويل زي عبده فرج لازم يهتم بالمظهر الخارجي برضو
رابع نقطة .. السلطات محتاجة تبقى فريش اكتر من كدا .. يعني متتعملش في اول اليوم وخلاص .. لو في امكانية تتعمل كل كام ساعة يبقى كويس