مطعم عروس البحر للاسماك

مطعم ماشاء الله حلو اوى ونظيف ومفيش رائحة ظفارة وناس جميله

الأكل مفيهوش أي إبداع نهائيا: الأرز بالجمبري ارز عادي ومفروش عليه شوية جمبري ومافيهوش اي صنعه ولا طعم مختلف او مميز، المكان مليان تدخين ومفيش مكان مخصص لغير المدخننين ، تنوع السلطات فقير جدا، الحاجه الوحيده اللي كانت ليها طعم شويه من كل اللي طلبناه كان كاليماري مشوي، الفاتوره مش مظبوطه وبيزودوا عليها حاجات فخالي بالك وراجع كويس قبل لما تدفع ولازم تدفع عند الكاشير مينفعش يحضروا الفاتوره علي الترابيزه (غريبه جدا) ، المكان مفيهوش ولا ظابط ولا رابط الاستاف بيتعامل مع العميل بكل جليطه وقلة ذوق وكل واحد منهم تحس انه في وادي لوحده وبيتعامل مع العميل من وجهة نظره الشخصيه مش من منطلق تدريب أو تأهيل، صوت الاستاف عالي جدا لدرجة ان كنا سامعين هما كانوا بيقولوا ايه علي العملاء وهما بيتكلموا مع بعض في المطبخ او غرفة التحضير منتهي قلة الذوق فعلا المكان كله مريب وتحس انه مدار بالدراع ومتدني خالص ومفيهوش اي نوع من انواع الذوق العام او اي تفصيله لخدمة العملاء، الحمامات مش نضيفه ومفيهاش ورق تواليت او صابون، واخيرا وليس آخرا معندهمش تحصيل بالكارت فلازم تدفع كاش، انا مش فاهم ازاي في الزمن اللي احنا فيه ده وكل حته بقي فيها كارت ازاي مطعم زي ده مافيهوش كارت يعني احنا فاتورتنا كانت حوالي ٤ آلاف جنيه المفروض نبقي ماشيين برزمة فلوس علشان ندفع العشا، المفروض المطاعم اللي فواتيرها بالمبالغ ده لازم يتم اجبارها انها تحصل بالكارت علشان حتي تعرف تحاسبها ضريبيًا لكن كده هيفتح المجال وهيسمح بعدم دقة اقرار المبيعات والدخل.

أسعار مناسبة للجميع وأصحاب المكان محترمين.
الجمبرى جميل جدا.
السمك الفيليه جميل جدا.
الطحينة روعة جدا.
ولكن السبيط كان ناشف شوية.