مظلوم فرع سموحة مظلوم بلاط سموحة. الخزف الخزفي والمزيد

توجهت لشراء بورسلين للمنزل عندي ، اخترت عينات و دورت علي حد شغال عشان يساعدني ، الدور الارضي مكنش في غير اتنين بس شغالين. جالي واحد بعد فترة مكنش شكله عايز يشتغل سألته راح واخد الاكواد و كان الرد كل ال اخترناه مش متوفر بورسلين اسباني.
قالنا علي نوعين سألناه ممكن حد يحطلنا التصميم عل كمبيوتر نشوفه حينفع ولا لا علماً ان انا كنت زرت المعرض قبل كدة و صورت البلاطات ال عاجباني و حطيتها في Chat Gpt و عمل التصميم ممتاز و كنت رايح المرة دي اشتري. المصممة بتاعة مظلوم بقي طلعنا للدور الاخير مكتب غير مكيف ، فتحت برنامج تصميم اقل مايقال عليه من ١٩٠٠ . بيتحط البلاطة تقريباً بكواليتي 1D و بتتحط عل layout بتاع البرنامج ابيض يعني لا في جمبها نفس الحاجات بتاعة البيت ولا نفس المكان و لك ان تتخيل بقي الشكل . المنظر ماساعدناش اطلاقاً .
قلتله شكراً و مشيت رغم ان هم كانو السبب عشان في ٤ اختيارات قالو مش متوفرين.
بركب عربيتي انا و مراتي في الشارع لقيت بتاع المبيعات جه جمبي و بيقولي حضرتك مقلتش انك ماشي قلتله انا قلتلك شكراً و مشيت ، قالي انت ضيعت وقتي و التصميم ده بفلوس . قلتله انت مقولتش ليه انه بفلوس، تعالي ياحبيبي و انا ادفعهملك مفيش مشكلة ، متنرفز و معلي صوته في الشارع اخر بلطجة معرفش ليه رغم اني معترضش علي الدفع او اي حاجة بغض النظر عن المستوي الردئ في التصميم و الحاجات مش متوفرة و عارضينها في المعرض .
مش فاهم مين ال وقته ضاع او لسه اصلاً مستوي التعامل الوضيع ده.