معرض ماتجر لحلول التنقل، القاهرة الجديدة

كان في عدة خيارات قدامي من أكثر من شركة. أمانةً اغلب مواصفات عربيات الجولف كارت كانت بشكل كبير قريبة من بعض بالذات إذا احنا قارنا الشركات الكبيرة وبالتالي القرار كان صعب بالنسبة ليا. في الأخير تم الأختيار على شركة متجر ونوع العربية كان e-car iconic off road على الرغم من فرق السعر الكبير بينها وبين اقرب وحدة ليها بالمواصفات في السوق. (الفرق كان اكثر من ٢٥٠ الف جنيه)

مزايا شركة متجر وe-car iconic type:

1. توفر عدة فروع لشركة متجر في الساحل والأهم بالنسبة ليا وجود فرع في مراسي
2. حُسن أسلوب ومهنية وتعامل البياع اللي كان أسمه حازم وهذا الشيء غير مستغرب من كل الشعب المصري الحبيب.
3. على حد علمي، نوع الجولف كارت اللي أنا أخذتها فيها أحسن وأقوى بطارية في السوق من ناحية الأمبير وعدد الكيلومترات اللي ممكن نمشي عليها على الرغم اني ما اتأكدت من المعلومة دي عملياً وخلال استخدامي لها لمدة ٣ اسابيع.
4. ضمان ٣ سنوات عل العربية و٥ سنوات على البطارية
5. عليها ٤ صيانات مجانية للسنة الأولى بالإضافة الى تأمين ضد الحوادث
6. خدمة التخزين

في المقابل العيوب:

1. سعرها مرتفع جداً (حوالي من ٨٦٠ إلى ٨٨٠ الف جنيه) وتعتبر على حد علمي من اغلى أنواع الجولف كارت في مصر
2. على الرغم من ارتفاع سعرها بدواعي ارتفاع جودة العفشة والكوالتي بتاعت العربية إلا اني عانيت من وجود اصوات فيها منذ الإستلام. طبعاً قالولي اني محتاج امشي عليها شوية عشانها جديدة وبعدها راح تروح مع الاستخدام. للأسف الأصوات زادت واضطريت اجيب بتوع الصيانة ٣ مرات وكل مرة قعدوا حوالي الساعتين عشان يحاولوا يعالجوا اغلب الأصوات مع العلم انه العربية كانت ماشية اقل من ٢٠٠ كيلو وانا الوحيد اللي بسوقها وحريص عليها جداً وخاصةً أثناء المطبات
3. أنا اتفقت على العربية والمواصفات الخاصة فيها ودفعت العربون في تاريخ ١٨/٦/٢٠٢٦ وكان أهم الأسباب الرئيسية وراء اختياري للشركة دي هو خدمة التخزين واللي كان سعرها عند الاتفاق ١٣٥٠ جنيه في الشهر وعلى هذا الاساس قررت اني اخذها واتحمل فرق السعر الكبير مقارنة بالخيارات الأخرى. طبعاً أنا استلمت العربية في تاريخ ٢٦/٧/٢٠٢٦ ورجعت سلمتها للشركة تاني لتخزينها في تاريخ ١٤/٨/٢٠٢٦. لكن للأسف الشديد وفي خلال اقل من شهرين ومن غير مقدمات تفاجات انه سعر التخزين صار ٢٠٠٠ بدل ١٣٥٠ جنيه والمتفق عليه اثناء التعاقد.

خلاصة الكلام، أنا لو رجع فيا الزمن كان وفرت اكثر من ٢٥٠ الف واشتريت وحدة مشابه جداً في المواصفات لأني ما حسيت صراحةً انه كان في العربية دي جودة تستاهل فرق السعر بحكم اني عانيت من الأصوات والعربية جديدة وكان الاستخدام جداً بسيط وبعناية شديدة لمدة اقل من ٣ أسابيع.
إضافة لذلك، الأرتفاع الكبير المفاجئ والغير مبرر لسعر التخزين كان مزعج بصراحة. ولمن سألت عن سببه، الإجابة كانت بكل بساطة “انت عارف حضرتك الاسعار بتتغير كل يوم”