مقهى الطابق العلوي

انتوا ناس unprofessional انكم تخلوني اعيط في كافية وبتاع شيشة يقولي أنا احسن ويتقالي ٣ ايام مفيش hot chocolate nuttela لكن تنزل لناس تانية عشان ناس كتير. لكن عشان أنا بنت وقاعدة بشتغل ومش معايا حد تزهقوني لغاية ما امشي وتخلوني اعيط كمان مفيش غير كام شخص محترم معايا بس still انما اي طلب مش موجود لكن موجود لاي حد غيري

المكان غالي شوية بس في كام عرض حلوين الفترة دي
اي main course تطلبه عليه كريب نوتيلا هدية
و بالمناسبة الحلويات عندهم تحفه
او ان اي فطار عندهم قهوتك هتبقى عليهم
ده غير ان لو عملتوا عيد ميلاد عندهم بيبقي ليكم تورتة فور فري
و اي حد الشيك بتاعه يعدي ال ٥٠٠ جنيه يسئل علي الهدية بتاعته بتبقي dessert من عندهم
و هم علي طول عندهم حفلات و ناس بتغني
و حتي الجلاس ميت بتاعتهم عليها العاب علشان متزهقش و انت مستني الاكل
و عندهم امكان لذيذة اوي ممكن تتصوروا فيها المكان نفسه حلو اوي و كوزي و حوليك شجر كتير
عندهم indoors و outdoors حلوين
و كمان المكان علي طول مشغل اغاني علشان الزهق
و كل ترابيزة بيبقي عليها power bank
نيجي بقي للاكل اول حاجة الفطار عندهم حاجات لذيذة اوي و غير تقليدية جربنا اب ستيرز باي و هوت دوج أمريكان بجد لذيذ اوي
المقبلات عندهم حلوه اوي جربنا اب ستيرز كومبو و ده تشيكن وينجز- بطاطس روستو – فراخ كرسبي – فرنش فرايز و ٣ صوصات و تشيكن وينجز بجد تحفه
جربنا من الساندويتشات اب ستيرز برجر و تشكين كريسبي مليانه صوص و بيجي معاها صوص كمان
و ببيتزا سلامي و نجريسكو بالفراخ لذيذة جدا و مليانه جبنه
و من main course جربنا تشيكن تاي دي للناس اللي بتحب الاكل السبايسي تحفه
و تشيكن شريمب دي فراخ محشية جمبري بخلطه تحفه بجد اختراع لذيذ اوي و تشيكن بارميزان مليانه جبنه بارميزان و عليها موتزريلا
و جربنا فاهيتا جمبري بينزلك و هو بيغلي حرفيا و تتبيلته تحفه
و بيف شريمب و اسكالوب ميزون حلوين اوي
و جربنا من الحلو عندهم براونيز بالايسكريم-وافل بالفواكه – بانكيك شرايح بالفواكه و الايسكريم – و تشيز كيك لوتس بجد كل حاجة بتتعمل صح مليانه صوص و الايسكريم طعمه حلو جدا بجد الحلو عندهم هيعجبكم اوي خصوصًا ان سعره تحفه جنب الحلو في حاجات لذيذة اوي تشربوها زي ملك شيك فشار او قرفه او فروله مثلًا بجد لذيذة اوي
الخدمة مش سريعة قوووي
والاستف غاية في الاحترام

جو المكان لطيف ينفع للمجموعات والسناجل عادي برضة.. في قعدة برة المكان ولو الجو في يوم كويس بتبقي تحفة.. الأسعار معقولة والخدمة واللي شغالين هناك برضة كويسين..