مقهى روميل باي

رائع للسهر ويستحق التجربه اجواء احتفالية مثيرة وفيو رائع وخدمة ممتازة والاهم انه امن للاطفال وللعائلات

الاسعار غالية جدا مقارنة بالمكان مايستاهلش الاسعار دي
يقولولك مافيش minimum charge بس لو حد واحد ماطلبش من اللي قاعدين يقولك دا واخد مكان لازم يطلب اوردر طب الشخص دا مش عايز هو حر وقاعد معانا نمشيه مثلا عشان مش عايز ياكل ولا يشرب حاجة كدا قمة قلة الذوق
والاستف مش بروفيشنال خالص في منهم اسلوبه غريب كدا يحسسك انك قاعد ف بيتهم وهو بيمن عليك مش انت جاي ودافع من جيبك
الاكل مش حلو نهائي كنت طالبه بيتزا تشيكن جيالي كلها خضار كنت حاسه اني باكل شكشوكه بالبيض
الحمامات كان طالع ريحة قذره من حمام الرجاله
ومن حمام الستات في ريحه بس اقل شويه
ف الحمام في صابونه !!!! ماعداش عليهم صابون الايدين السائل تقريبا مصر كلها هتعك ايديها بصابونة واحده حاجة اخر قرف ولا حتى في مناديل ف الحمام
وبعد كل دا بقا لو معاك عربيه وراكنها برا ادفع بقا ٢٠ باركينج ودا المفروض سيرڤس اللي هو اي مكان نضيف المفروض يكون بيقدم الكلام دا وبياخد من سيرڤس الاكل 14% من غير مايطلب منك فلوس تاني لا دول بيطلبوا تاني