مقهى لونا بارك

ستاف قليل الذوق و الادب جيت اقعد قالي عائلات اقعد الناحيه التانيه قولتلو انا جاب اقعد ع البحر مش اقعد ناحيه الشارع يعني انا مش فاهم قالي فيه قدام شويه عادي ع البحر ومفيش غير ترابيزه واحده قعدت فيها قولت مش مشكله وعادي وهعدي اليوم خدت قعدتي وقولت خلاص احاسب و امشي قولتلو فيزا قالي لا مفيش فيزا قولتلو ازاي دا مش فاهم قالي فيها مشكله قولتلو طيب انستا باي او فودافون كاش قالي لا برضو قولتلو طيب انا اعمل ايه دلوقتي مش فاهم قالي مش مشكلتي انك مسالتش فيه فيزا ولا لا قبل متقعد قولتلو انا طبيعي داخل اي مكان هيكون فيه فيزا حتى لو داخل سوبر ماركت اجيب ازازه مياه هدفع فيزا و امشي مش مشكله يعني ان كافيه كبير وبالحجم دا ميكونش فيه فيزا وبيتكلم بقله زوق وبطريقه تقرف وقولتلو انا عايز حل طيب قب atm قريبه قالي الناحيه التاينه قولتلو هروح اسحب منها قالي لا ازاي يعني تمشي قولتلو طيب اعملك ايه دلوقتي يعني مش فاهم بيقولي معرفش مشكلتك دي بقا قولتلو عايز امشي دلوقتي وحللي المشكله قالي هبعت حد يجيب مكنه فيزا من مكان تاني قولتلو طيب يلا عشان انا مستعجل وبقالي نص ساعه قاعد اهو لحد دلوقتي مكنه الفيزا مجاتش مفيش نظام وقله زوق وحاجه تقرف اول و اخر مره في الكافيه دا

المكان ك فيو للبحر طبعا حلو بس الاكل والسيرفس سئ ل ابعد الحدود
كنا عدد ٢٠ فرد وحاجزين
الشوربه اقل من العاديه
السي فود مش فريش نهائي و الكابوريا نيه تماما والسمك بقشره مش متنضف !!!!!!! والأكل زفر بشكل غريب وليه يتقدم خضار سوتيه مع سمك ؟!!؟! وطبيعي المفروض يتقدم طبق فاضي مع السي فود علشان يتحط فيه القشر ، مفيش الكلام ده
الشاي والديزرت نازل قبل ما يشيلوا اصلا اطباق الاكل والزفاره !!!!!!!!!! ولما نطلب يتشال الاكل الاول حاضر ومفيش حاجه بتحصل ، الويترز بقا الله اكبر متكدرين بشكل غريب جدا من اول ما بيقدموا الاكل لاخر لحظه ، ده غير انهم بينزلوا الاكل ل ٦ أفراد وبعدها بشويه ينزلوا ٦ كمان وهكذا ونتفرج علي بعض بقا !!!! الاكل نازل بارد اصلا
اه شكل الطبق مش وحش بس الطعم ملهوش علاقه بالشكل فعليا .
تجربه سيئه جدا بجد
Not recommend

المكام جميل ورايق ومرتب وحديث مو زي بعض الاماكن قديمه ومتاهلكه وسعره رخيص وانصحكم فيه ولي زيارة ثانية باذن الله