مكتب تسجيل العقارات – نادي سموحة

الشبابيك فاضيه اكتر من نصف ساعه و لكن رفض يعمل لي ميعاد بحجة أن مفيش ميعاد فاضي (الموظفين قاعدين مش بيعملوا حاجه حرفياً). الشباك الشمال كان مفتوح على الآخر رغم أن التكييفات مفتوحة، و في النهاية الاعضاء هيتحملوا تكلفة اصلاح التكييف. بيكذبوا و يقولوا أن مفيش شهر عقاري بيسمح بالدخول في نفس اليوم، رغم أن كل فروع الشهر العقاري النموذجيه بتسمح بكده، لما قلت الكلام ده قال لي عشان أنت هناك بتدفع زياده! رغم أن أنا في النادي بدفع برضه ٢٠٠ جنيه زياده عن بره!! مفيش منطق و لا ذوق، لما طلبت أكلم المسئول اللي عرفت أن اسمه أستاذ أيمن قالوا لي بره في مشوار! اتصلت على مدار يومين عشان مكنتش عايز اجي على الفاضي زي ما حصل و لكن محدش بيرد نهائي. و مركز الخدمات مش موجود في ابلكيشن (أرغب في عمل توكيل) أساساً، يعني لازم عشان اخد ميعاد اجي هنا، و أخد ميعاد و ارجع اجي تاني يوم عشان اخلص الإجراء! يبقى إيه لازمة الميعاد لو هاجي مرتين؟!

تجربتى اكثر من ممتازة مع الشهر العقارى بالنادى
ذهبت الساعة السابعة صباحا لحجز رقم للتعامل وتم اعلامى بالقدوم الساعة الثانية عشر ظهرا لعمل التوكيل الخاص بالمحامى، وبالفعل عند القدوم تم انهاء معاملتى بسرعة كبيرة، الموظفين يعملون بسرعة وبإقصى طاقتهم كل المراحل منذ دخولى حوالى 20 او 30 دقيقة كحد اقصى ولكن للتعامل يجب ان يكون معك كارنيه للخدمات الخاص بالسنة وتكلفته لعام 2019 هى 150 جنيه تدفع بمركز الخدمات وليس بالخزينة او شئون العضوية، والمركز يعمل حتى الساعة الثانية والنصف ظهرا ولكن لكل خدمة من خدماته ايام محددة، مثلا الشهر العقارى السبت و الاحد والاثنين، تذهب الساعة 7 صباحا لاخذ رقم ويتم تحديد ميعاد للقدوم لانهاء المعاملة، ف المجمل تجربة ممتازة مقارنة بمكتب الشهر العقارى الخاص بسيدى جابر والقريب منه بجوار زهران حيث ذهبت فى نفس اليوم لعمل اثبات تاريج لعقد ايجار ( يجب ان يتم داخل مكاتب الشهر العقارى ولا يمكن عمله بأى نوادى مثل نادى المهندسين او سموحة لو سبورتنج.) وكانت تجربة سيئة جدا