منتجع جراند واحة

الفندق له شاطئ مخصوص مجاني تماما
الغرف تعتبر جيدة ( قياسات بسعرها )
البوفيه في رأيي هو نقطة قوة عندهم رغم قلة الأصناف لأن جودة وطعم الأكل مشفتوش في أفخم فنادق شرم والغردقة
فريق الإنقاذ اللي على الشاطئ على أعلى درجات الاحتراف

تجربة رائعة .. الغرف كانت نضيفة جداااا بصراحة وفيها كل اللي محتاجاه احنا كنا حجز غرفة ١٠٩ وهي غرفة عائلية وبصراحة ولا تعليق سلبي نهائي … الخدمة وسرعة الاستجابة كانت من اجمل الحاجات بصراحة ومش هقدر اشكر حد بعينه ولكن أستاذة كاريمان وأستاذة يارا واستقبالهم الجميل مسئول حمام السباحة كان فعلا شخص محترم وعينه مش بتنزل عن الاطفال وهما في حمام السباحة وطول الوقت لو لقوا اي فتفوتة وقعت في المية جري بيشيلوها بالشبكة .. وطبعا الشباب الجميل في المطعم والروم سيرفيس ماينفعش انساهم .. والشيف الجميل اللي حلاوة اكله ونضافته تشفع كتيير لانه الأصناف مش متعددة اوي في البوفيه بصراحة مافيش فرد واحد قصر في شغله بل بالعكس كان كل الاستاف عامل جو ألفة لطيف مع كل النزلاء وبيسألوا على الكل وحافظين طلبات الكل يشكل يحسسك انك في مكان مع عيلتك .. شكرا جراند الواحة .. لكن اتمني تطوير الشاطيء نفسه الخاص بالفندق شوية كخدمات ويكون في انميشن تيم أو حفلات بشكل يومي هتفرق في الأجواء جداااا

اسوء خدمة شوفتها في حياتي بسعر مبالغ فيه:
١- لازم اكلم الreception اربع خمس مرات علشانا حاجة تحصل
٢- تجهيز الغرفة فقير حاجزين ٣ غرف ..غرفة الازاز اللي علي الpool مكسور الباب بيتقفل بمسار الكالون مش شغال و الغرفة التانية بابا الاوضة لازم يترفع علشان يتقفل و مفيش رفع للفوط في الحمام
٣- كل الناس تقولك حاضر و مفيش حاجة بتحصل
٤- الاكل المفروض open buffet بس هما صنف او صنفين و مش دايما موجود ..
٤- الميزة الوحيدة ان علي البحر بس ميستاهلش و لا سعر و لا جودة
٥- اسوء حاجة علي الإطلاق التنظيم سي سي سي ..انا كنت حاجز ٣ غرف واصل الفندق الساعة واحدة و نص ..قالولي كله تمام انتظر شوية في الريسيبشن …كمان ساعتين نفس الكلام ..كان معايا طفلة رضيعة عايزة تاكل طلبت منهم غرفة مؤقتا علشان تاكل و تغير جابوها و بعدين خرجت منها ساعة كمان مفيش غرف ..قعدنا نكلمهم كتير و نجري ورا الريسيبشن علشان نفهم اية اللي بيحل كلهم يقولوا حاضر مفيش اي مشكله الغلط من عندنا احنا اسفين و يختفوا …في الاخر ادونا غرفة ١١٥ شوية و لقينا نزيل تاني جاي يقولنا دي غرفتنا الريسيبشن قالنا كدة …و حوارات فعلته كلم الإدارة الادراة تحل مش طبيعي ان نزيل يتكلم مع نزيل دي اوضة مين وكل واحد دافع ٤٥٠٠ في الليلة ..بعدين خرجنا منها لأنهم قالوا ان ال٣ اوضة الناحية التانية علشان يكونوا جنب بعض ..رحنا الحمد لله استلمنا اتنين و جاي استلم التالتة الاقي خدمة الغرف تقولي فيها نزيل ..اية الضحك دة ..طلعت للنائب المدير قالي هيحلها و حقك عليا و هبل و كل دة اصلا و انا بدور علي فندق تاني لان دة هبل بيحصل و في الاخر نائب المدير جه قالي احنا اسفين مفيش غرف شوف الحل اللي يرضيك .بس مفيش غرف ..لغاية ما لقوا واحدة بعدها بنص ساعة و احنا بنلم الشنط تاني بس كتعويض ادونا يوم بدل اللي ضيعته قولت المشكلة في التنظيم بس طلع في كل حاجة