ناسيتا أوتوكير زايد

اقسم بالله فرع منتهي قلة الذوق وعدم احترام المواعيد

شباب محترمه ومش بياخدوا وقت والجميل ان محدش بيطلب تيبس شغل التسول الي بيقابل معظمنا في معظم الأماكن وانتظروني لغاية ما رحتلهم بعد موعد الغلق بساعه
شكرآ ناسيتا الشبخ زايد

تحذير شديد – رجاءً اقرأ قبل التعامل مع شركة ناسيتا

حسبي الله ونعم الوكيل في مستوى الخدمة اللي شوفته من شركة ناسيتا.
تجربة في منتهى السوء، وعدم احترام للعميل، ونصب علني بدون أي مبالغة.

أولاً: جودة إطارات Sailun كارثية.
إطارين اتقطعوا من الجنب، ورد الشركة الجاهز طبعًا: “عيب استخدام”، مع إن العربية استخدام طبيعي جدًا.

ثانيًا: الموقف اللي خلاني أكتب التحذير ده.
الفردة اتقطعت في الشارع لمجرد إن الإطار حك في الرصيف، حاجة لا تحصل مع أي كاوتش محترم. و قولت خلاص غلطتي هعمل ايه الأمر لله و كلمتهم وبطلب عربية تيجي تغيّر الإطار.

المسافة بيني وبينهم أقل من ٥ كيلومتر (كنت واقف عند مول العرب)، و اقرب فرع كان وصله دهشور اقل من ١٠ دقايق ومع ذلك قالولي تكلفة العربية ٤٥٠ جنيه!
نصب واستغلال واضح، لكن قلت مضطر ومفيش حل تاني.

أقعد ساعة ونص مستني، ولا حد جه ولا حد كلمني.
وفي الآخر الكول سنتر يتصل بيّ ويقولي:
“حوّل فلوس العربية الأول”
ولا عربية اتحركت، ولا خدمة، ولا احترام.

ده أقل مستوى اهتمام بالعملاء شوفته في حياتي، ودي مش أول مشكلة تحصل مع الشركة دي، لكن أكيد آخر مرة أتعامل معاهم.

تحذير للكل:
اللي بيهمه فلوسه وأمانه ووقته، يبعد تمامًا عن ناسيتا وعن إطارات Sailun.
تجربة سيئة بكل المقاييس، وشركة لا تتحمل أي مسؤولية، ولا تحترم عملاءها.