نُزُل المنارة

البرج من الخارج نظيف وتحس انك داخل عمارة ٥ نجوم ولكن اول ما تدخل تتصدم
في ٤ اسانسيرات ٣ بس شغالين والى حد ما كويسين
الشقق الدور ١٢ الغرف واسعة
المراتب تعبانة جدا والشبابيك من غير سلك
المطبخ والحمام محتاج نظافة
المايه في الحنفيات بتنزل مش نظيفة صفرا
المراتب مبقعة والمخدات فيها عفونة وريحة الفرش مقرفه
مفيش اي اهتمام بالفرش التلاجة محتاجة تنظيف
والنور قطع تقريبا ٤ او خمس ساعات
الفندق بعيد عن البحر تقريبا ٧٠٠ متر ربع ساعة ماشي
لكن الايجابيات
موقع الفندق ممتاز امام محمصة النصر وفي جميع الخدمات حوليك وبلبن
وفي مطاعم حوليك كويسة
كفتة عبده
ابن سوريا فراخ مشوية
ابو طعيمة اسماك

برج المنارة ده اسوء مكان تصيف فيه في مطروح كلها
شقق تعبانة مراتب ومخدات معفنة عفش مليان بق وحشرات ومفيش اي ادوات فالمطبخ والحمام تساعدك تتعايش فالشقة خلال اليومين الي انت جاي فيهم ده غير طبعا سوء التنظيم انا واهلي نقلونا من الشقق 3 مرات كل مرة يتفاجئوا انها مش الشقة الي حجزناها وانها لحد غيرنا حاجة في منتهي الضحك

كهرباء بتقطع في البرج بالكامل كل يوم لمدة ٨ ساعات تفضل انت مش عارف تنام من الحشرات والحر ولا عارف تنزل او تطلع عشان الاسانسير عطلان ومفيش مولد للاسانسير الي هو ا ب اصلا

كانوا كاتبين فالباكيدج اثناء الحجز ان السعر المدفوع شامل خدمة الانترنت WIFI ومع ذلك لما خلاص دفعنا ووصلنا نكتشف عشان نفتح الشبكة لازم ندفع 50ج لكل 10 جيجا !😂

الماية مش نظيفة وده طبيعي في مطروح بس عيب تضحكوا عالناس في الإعلانات ان المياة خط اسكندرية وصالحة للشرب

الدش والحنفيات رديئة وقوة الماية ضعيفة لو حبيت تستحمي وجسمك فيه رمل من البحر هتقعد ساعتين عشان تشيل الرملة من جسمك واعمل حسابك ان الحوض مسدود وهتسلكه بنفسك

وكتر خيرهم موفرين شاشة HD عشان التليفزيون بس المفاجأة ان مفيش غير قناة واحدة شغالة ! 😂

سعر عالي وجودة سيئة جدا وطبعا هيتقالك ان الشقق تري البحر هتلاقيني حاططلك صورة للفيو الي هتشوفه حرفيا كل يوم

ولو حبيت تشحن موبايل تابلت لابتوب احب اقولك كل الفيش واسعة وهتشحن الحاجة بصعوبة جدا

ولكن للأمانة فيه بعض المميزات ولكن مش كافية مقابل السعر المدفوع اولا الستاف محترمين وتعاملهم محترم وراقي وكانوا متعاونين جدا في الجزء الي يقدروا يساعدوا فيه غير كدة ادارة الشركة الي حجزنا فيها وادارة البرج ناس ميعرفوش ربنا

ثانيا مكان البرج كويس وقريب من جميع الماركتس والاسواق والمحلات هتقدر تجيب اكلك ومستلزماتك بكل سهولة وبنفس اسعار القاهرة وقريب كمان من كذا شاطئ كويس

انا هاكتب الريفيو بالعربي والانجليزي عشان حقيقي مش فاهمة المكان ده دافع ولا ايه عشان ياخود ريت كويس !!!

حقيقي من أسوأ الاماكن اللي حجزتها المكان فيه ٤ اسانسيرات كان عطلان منهم ٣ وهو مبني ١٣ دور ففيه طوابير بقي علي ما الواحد ينزل او يطلع. انا مقدرتش اقعد فيه من عدم النضافة (شعر علي السجاد وتراب ورملة وبقع في كل حتة علي الفرش ده غير الصراصير بانواعها الميتة والصاحية). الريسبشن ما بيصدقش اي حاجة بتقولها صراصير ازاي يا فندم طب قوم اتحرك شوف اي حاجة لا حركتهم في سنة وقمة في البرود. اهم حاجة منعليش صوتنا عشان طابور الاسانسير ميسمعش اد ايه هما مكان قذر.

اطلعوا يا جماعة علي الكورنيش احجزوا اماكن احسن منه مليون مرة ونفس السعر ! هسيبكوا تستمتعوا مع الصور الحقيقية ونصيحة بلاااش خالص الشقق اللي في الدور الدور ١٣

Here’s the English review,

The worst place I have ever booked, owners are dishonest. I reserved via booking and they claimed that I reached the place early that they could not finish cleaning while the truth is I arrived exactly at the time I stated on booking 12-13 pm and they confirmed my arrival time on booking.

About the apartment, it’s nothing like the photos. Mine was on the 13th floor , apt full of dirty carpets and stained furnitures. Not to mention the hair thrown on the floor and the cockroaches. I asked the reception if they are responsible for cleaning and they totally ignored my complaints. There’re laziness vibes from the staff working at this place, they are not used to move a finger.

The apt was described as air conditioned apt but there was only one AC and the rest of fans are doing loud noises and there’s a room with no window. All fans are dirty and when I switch them on, dust flies in the air!

The owner display very misleading photos, I am about to lose my money so the least thing I can do is to save others from this frauds.