-
mohd.ateff posted an update
اسؤ مكان ممكن تروح تشترى منه اى قطعه اثاث معرض الف ليله وتيجان فى مدينه نصر المفروض الاثاث كله من الخشب الكونتر والقوايم زان والمفروض انك بتدفع المبلغ مقسم على تلت اجزاء جزء عند التعاقد وجزء لما تروح تشوف الغرفه ع الخشب واخر جزء لما تستلم وده غير الضمان ضمان عشر سنين وتروح تتعاقد وتتفرج العينات فى المعرض ممتازه ده غير بقى لما تتفق ع المشال ويقولك هتجيب عمال احنا مش مسؤولين عن العفش لو حصل فى اى حاجه وامضلنا على كده ومواعيد التسليم تتأجل تلت اربع مرات مبيسلموش حد فى المعاد ولو دخلتوا على جوجل فى الخرائط اعملو بحث باسم المكان هتلاقوا معظم التقييمات زفت الاتفاق استلم الغرفه بعد شهرين طبعا دفعت اول جزء واتعاقدت بعد شهر بعتوا عاوزين الجزء التانى فودافون كاش رغم أن المفروض اننا نشوف الغرفه ع الخشب مشوفناش وتأجيل تأجيل مشوفناش حاجه روحنا شوفنا الغرفه بعد تلت شهور وشوفناها قبل الاستلام بعشر ايام والمصنع زى الزفت حرفيا هتروح تشوف عفشك فى التراب اقسم بالله مصنع فى الشارع والكونتر بتاعهم عباره عن حتت كونتر ما بين ابلكاش لا وكمان بتشوف العفش بي دى اف كله من الخارج ولما سألنا قالو علشان جوده الدهان والفنش واخدو طبعا المبلغ بالكامل علشان متعطردش ولو اعترضت أو حاجه مش عجبك من شروط العقد ياخدوا ٣٠فى الميه من تمن الغرفه وخد باقى فلوسك استلمنا الغرفه حرفيا زفت اقسم بالله والعمال مش نجارين ولا ليهم فى المهنه وحاجات كتير فى الغرفه غير الصور أولهم المقابض وتقفيل الغرفه والدهان زى الزفت ولما اعترضت عالمقابض بعتوا قالولى ده المتاح عندنا هو انا بدفع فلوس علشان اللى انا عوزاه ولا المتاح عندكم وكنت واخده كنبه ضهرها بانكيت كل يوم مسمار يقع منها أو دبوس وطبعا لو كلمتهم هيقولولى سؤ استخدام اصلى انا جايباها احطها فى متحف وحوض ازاز وكمان العامل اللى جه يفنش الدهان بهدلى الحيطان بالدوكوا اسود اتنطر منه ولما تتكلم ع الضمان يقولك مفيش ضمان على سؤ الاستخدام وكمان المفصلات المفروض انها سوفت كلوز مركبين مفصلات عاديه وحسبى الله ونعم الوكيل وجم البيت اكتر من تلت مرات من كتر العيوب اللى فى الغرفه ومازالت كلها عيوب وتقرف وعملولى بلوك وكتبتلهم تقيم وحش بعتوا قالولى هنبلغ المستشار القانونى الخاص بالشركه يرفعوا عليا قضيه منصحش حد بالتعامل معاهم نهائى اسفه على الإطالة بس كان لازم أوضح كل شئ
