-
khaled posted an update
لايك للبيدج الجديدة عشان الكبيرة اتقفلت..!!
مدينه نصر بتنور
الطبق العظيم ده اسمه بنت الحلال يكفي اكتر من 5 وحوش
المكان: ايستريديا للمأكولات البحريه
المكان ده يعتبر الملجأ الرسمي لينا عند تعطشنا للفسفور و كل ما هو في البحر ف طبعا اما عرفنا انهم عاملين الطبق العظيم ده جمعنا صحابنا و هوبا علي هناك, اولا الطبق بيجيلك و هو شايله 3 شباب كده و هوبا يتحط قدامك حرفيا بتكون مش عارف تبدأ منين بظبط ف تقرر انك تاخد الrisk و تبدأ في الاكل هو كان الbase بتاعه اصلا رز seafood بالفواكه و متغطي بكليماري مشوي و كليماري مقلي و جندوفلي و بلح البحر و عليه طبق ملياان جمبري و سمك مقليين و كفتة سمك و طبعا لازم ماينسوش الكابوريا و الاستاكوزا، و معام طواجن جمبري بالكليماري مليانه جمبري و سبيط و سمك في sauce عظيم جدا و tasty و بعدين معاه كل السلطات اللي هتحتاجها لاتمام المهمة و ملوخية و شوربة و سلطاتك و بابا غنوجك تخلص الطبق انت و اصحابك و انتوا حاسين بانتصار عظيم ممكن يخليكوا تقوموا تتنططوا في المكان
حبسنا كمان نجرب وجبات من اللي عنده جربنا اتنين منهم واحدا كانت للي بيحبوا الfried اسمها كيكي ف ديه كانت جمبري مقلي بكرسبي جبنه و معاه sauces كدا و Fries عليها mozzarella و صوابع سمك مقلي و مكرونه بالجمبري و بيبسي و طبعا sauces و سلطة كلوسلو ب 120
و التانيه اسمها بسكادو كانت عظيمة و مشبعة جدا كانت سمكة مشويه و معاها جمبري و رز صياديه و حاجة عظيمة كده اسمها كبابة جمبري مشوي و بيبسي و سلطة ف كانت satisfying جدا ب 150
العنوان: ٢١ شارع عبد الرزاق السنهوري-متفرع من شارع عباس العقاد-بجوار بنك cib -مدينة نصر
التليفون:٠١٠٠٢٣١٩٠٢٣-٠٢٢٢٨٧٦٩٠٢
