مستشفى السلام الدولى فرع المعادى

كل الشكر والتقدير لـ د. ريهام على اهتمامها وذوقها في التعامل من بداية الإجراء وحتى الانتهاء من أشعة الرنين بالصبغة. كانت حريصة على راحتي واطمئناني وشرحها لي بهدوء، وده فرق معايا جدًا، خصوصًا إن التجربة بشكل عام مكنتش أفضل حاجة، لكن ذوق د. ريهام تحديدًا خلاني أتجاوز الأمر. وشكرًا لها وللدكاترة اللي بيحرصوا على راحة المريض وبيخلوا تجربته أفضل.

أنا مش عارف مستشفي من اكبر مستشفيات مصر ازاي مش قادرة تدرب موظفينها ولا تعلمهم
أسوء مرة ندخل مستشفي من اجل خدمة صحية والاقي معاملة سيئة جدا من موظف الاستقبال في فرع المعادي
اليوم كانت زوجتي رايحة ببنتي لموعد مع دكتور سراج في عيادة الأسنان فرع المعادي وحصل تطاول من الموظف محمد عبد الناصر موظف الاستقبال عليها لمجرد انها حبت تعرف اسعار الخدمات ونسبة التحمل لأننا عندنا تامين دولي وبرغم ان الموافقة جاهزة للخدمات المطلوبة قبل الحضور بساعتين من خلال التواصل مع واتساب المستشفي إلا انه فضل متعنت انها تدخل موعدها ولما حاولت تقوله اننا مخلصين كل حاجة وكده الدكتور هيمشي يقولها المشكلة من التامين عندك مع انه شاف ان الموافقة جت
دلوقتي أنا عايز اعرف احنا قدمنا شكوي للمدير الإداري ازاي هيتم التعامل مع التطاول ده من الموظف المذكور
وحابب اعرف ازاي مستشفي بالحجم ده مش قادة تدرب موظفينهاو وإزاي بتوظف ناس معندهاش اساسيات اللياقة في التعامل مع المرضي

جزيل الشكر والامتنان لكم على حسن الرعاية الطبية بوحدة زرع النخاع من الجميع حتى نجحت العملية وتم شفائي وخروجي بحمد الله
وقد من الله علي بطاقم تمريض على أعلى مستوى من الحرفية والإنسانية ولم أغب عن عينهم لحظة وأخص بالذكر مستر سالم ومستر يوسف ومستر محمود الذين لازموني يومياً من أول دخولي الوحدة حتى خروجي بحرفية طبية شديدة وتفان في خدمتي حتى أثناء نومي ، وكذلك ملائكة الرحمة المتميزات مس أرزاق ومس رحاب ومس نسمة ومس رحمة ومس خلود والآيتين مس آية ومس آية فهن يتمتعن بحرفية وإنسانية ملفتة شعرت معها انهم ملائكة فعلاً وجميعهم تحت إشراف وقيادة الرائعة القائدة مس شروق والتي كانت تتابعني يومياً بنفسها ولا تكتفي بتواجد التمريض وحتى بعد مواعيد عملها الرسمية كانت تتواصل تليفونياً مع التمريض لمتابعة أدائهم والاطمئنان على حالتي وعلى انضباط التمريض .
شكر الله لكم وشفا الله كل مريض