RAMAGE HOTEL & RESORT

Many thanks and appreciation to the Ramage Hotel team, especially Mr. Ahmed, Mr. Youssef, Mr. Abdelghani, and Ms. Heba, for your cooperation and excellent service to the hotel guests.

اسوء اقامة ف حياتي مينفعش يتقال عليه فندق اصلا ده لوكاندة بس مساحتها كبيرة.

بداية من وصولي اول يوم الساعة 9 صباحا سألت علي الفطار ال complementary ف اي فندق محترم 4 او 5 نجوم قالي لا مش متاح بالرغم من وصولي علي سفر و معي زوجتي و طفل صغير.

قاعة الافراح قريبة جدا من الشاليهات اللي سعرها بالمناسبة اغلي من الغرف العادية، لحد الساعة 12 بليل الدي چي كإنه معاك فالغرفة و صوت عالي و مزعج جدا.

الباركنج الخاص بالعربيات بعيد جدا عن الشاليهات و لما باجي اركن قريب من الشاليه بيمنعني بالرغم من إنهم بيسمحوا للعربيات الخاصة بالافراح انها تركن ف نفس المكان عادي!

وجبة الفطار كارثية بمعني الكلمة بيخيرك بين 5 وجبات تقريبا جربت 2 منهم واحدة مصورها 3 سندوتشات فينو 😂
و التانية باتيه و كرواسون و دانش بايت و ناشف و مأكلناهوش اصلا رميناه.

بالاضافة انه مش معترف بالطفل اللي معايا و اي اكل له عالفطار حاسبني عليه مع ان ف اي فندق محترم انا ممكن اروح بطفلين 11 و 5 سنين و ياكلوا معايا عادي ف غرفة دابل فقط.

طلبت سرير اطفال قالي غير متاح.

الارض مش نظيفة ولا البلكونة الولد لما بيمشي عالارض كأنه ماشي فالشارع.

حاسبوني علي المياه اللي فالغرفة 😂

الأمن عالبوابة كأنك داخل ثكنة عسكرية مش فندق.

اخر حاجة و انا ماشي رفض يديني فاتورة ضريبية او مختومة بحجة ان المدير مش موجود و ان الموضوع هياخد وقت،

لما هددت اني هكلم شرطة السياحة قالولي نص ساعة و تجهز و بعد ما مشيت بعتوهالي واتساب مسعرة بالدولار و مكتوبة بطريقة غريبة اكني حاجز day use

ده اللي انا فاكره و اكتر من كدة حصل، ميزته الوحيدة اللي هما نفسهم مش مقدرينها هو الموقع بتاعه المميز بس يغور لو دي المعاملة.
من الاخر حرام يتدفع فيه جنيه فيه فنادق جنبه احسن و انضف و ارخص كمان.